Februarie is bekend as die maand van die liefde, met Valentynsdag so mooi in die middel. Dit is net rooi rose, en hartjies waar jy kyk. So ver van ware liefde verwyder soos Gauteng van die oseaan. Jy sien, om iemand regtig lief te hê vra soveel meer van elkeen van ons. Om enige verhouding te laat werk, moet mense leer om mekaar te verstaan.
Alle mense is van kleinsaf betrokke in verhoudings met ander. Deur die loop van ons lewens ontmoet ons baie mense met wie ons interaksie het. Ons is voortdurend besig om met ander te kommunikeer. ‘n Mens sou reken dat goeie verhoudings en kommunikasie maklik moet wees. Dis dan die een ding wat almal doen.
Toe nou nie. Waar mense is, is daar konflik, misverstande en gereelde aantygings van “niemand verstaan nie”, “jy luister nie” en “niemand waardeer my nie.” Selfs in die gelukkigste huisgesinne woed daar tienerstorms, die beste werksplekke het konflik, en jarelange vriende kan skielik ‘n uitval hê.
Hoekom? Ten eerste omdat mense verskil. Geen twee mense is dieselfde nie. Wat ‘n goeie ding is, anders sou die lewe baie eentonig gewees het. Tweedens omdat mense mekaar nie verstaan nie. Net omdat julle dieselfde moedertaal het, beteken dit nie julle praat dieselfde emosionele taal nie. Derdens, en hierdie is ‘n groot probleem vir baie van ons, is omdat mense hulself nie ken en verstaan nie.
Dit bring nog nie eers die verskille in kulture, opvoeding, geloof en spreektaal in berekening nie! Geen wonder daar heers party dae ‘n Babbelse verwarring in ons huise en die werksplek nie.
Gelukkig is daar altyd hoop. Ons kan leer om mekaar beter te verstaan. Gaan dink bietjie hierdie week oor die dinge dinge wat jou gewaardeerd en geliefd laat voel. Bespreek dit met jou ander helfte, beste vriendin of gesinslede. Jy sal dalk agtergkom dat jy meer van geskenkies gee en ontvang hou, maar jou beste vriendin voel gewaardeerd as jul elke week kuiertyd kan inwerk. Leer om ook die mense om jou se emosionele tale te praat, saam sal jul die positiewe impak op jul verhoudings sien.
We invite you to talk to us about a workshop that will best solve your personal and professional issues. Should you not be able to conduct a face-to-face workshop anytime soon, feel free to browse through our online store for one of our self-help books.
Seeds of Inspiration (Pty) Ltd t/a Lynette Beer | Registration Nr: 2011/134865/07
Po Box 41921, Moreleta Ridge, Pretoria, South Africa, 0044
Copyright © 2023 Digital Zoo Website Design Company - All Rights Reserved
Domain Registration
|
Email Address
|
Website Design
|
Graphic Design
|
Social Media Management
|
Search Engine Optimization
|
Online Marketing
|
Web App Developer