Sien die rooivlaggies op jou lewensreis raak!
Vanoggend vat ek die draai snelweg se kant toe. Daar is borde langs die pad wat aandui werkers is besig, voertuie moet stadiger. So 300 m verder sien ek die span mense wat besig om langs die pad te skoffel. Die gras weg te werk sodat die noodbaan weer oop kan wees. ‘n Entjie voor die werkers, by hulle en net na hulle, staan daar vrouens met rooi vlaggies wat hulle verwoed swaai. Ek kry die boodskap. Hier moet jy asseblief stadiger ry, versigtiger wees, anders is ons en ons medewerkers in gevaar.